A MINECRAFT Movie

На канале Warner Bros. з'явіўся афіцыйны тызер даўжынёй 1:19 хвіліны, у якім мы можам пабачыць эфекты, сэтынг і галоўных герояў. Таксама быў апублікаваны і постэр фільма з датай рэлізу 4 красавіка 2025.

На адным Джэк Блэк у вобразе Стыва з кіркаю, якую раней мы бачылі ў відэа пра дзень нараджэння Майнкрафта. Таксама паказалі некалькі мобаў, а менавіта: крыпера, авечку і пчалу.

Акцёр Джэйсан Момаа паведаміў у сацсетках аб завяршэнні здымак фільма. У гонар гэтага ён апублікаваў сумесную фатаграфію з выканаўцамі галоўных роляў у будучай карціне. Падрабязнасці аб сюжэце фільма па Minecraft пакуль што невядомыя. Здымкі стужкі стартавалі ў пачатку 2024 года ў Новай Зеландыі - яны працягваліся на працягу ўсяго чатырох месяцаў.

Нядаўна карыстальнік X (раней Twitter) «JoshSpace2» загрузіў фотаздымкі, на якіх бачна ўпрыгожаныя дрэвы на тэрыторыі кінастудыі. Яны нагадваюць дрэвы з гульні Minecraft, з глыбокім лісцем і вострымі галінамі, якія злучаны ў кубікі.

Выданне Deadline са спасылкай на свае крыніцы расказала, што Джэк Блэк далучыўся да акцёрскага складу кінаадаптацыі Minecraft. Пасля гэтага сам акцёр падзяліўся здымкам, на якім чытае кнігу пра лор гульні. Блэку дасталася роля Стыва. Акрамя яго ў фільме з'явяцца Джэйсан Мамоа, Эма Маерс, Даніэль Брукс і Себасцьян Юджын Хансен.

Зорка "Амерыканскага пірага" і "Белага лотаса" Джэніфер Кулідж далучылася да экранізацыі відэагульні "Майнкрафт". У фільме таксама сыграюць Джэйсан Мамоа ("Аквамен"), Джэк Блэк ("Школа рока"), Даніэль Брукс ("Міратворац") і Эма Маерс ("Уэнздэй"). Рэжысёрам выступіць Джарэд Хес («Напалеон Дынаміт»).

Інсайдэры ўдакладнілі, калі пачнуцца здымкі фільма "Майнкрафт". Камеры запрацуюць на пляцоўцы 7 жніўня, паведамляе Production List. Па сюжэце фільма, падступны Эндар-Цмок хоча знішчыць Верхні свет. Выратаваць сітуацыю заклікана юная дзяўчынка і каманда яе разнамасных памочнікаў. Праект курыруе Warner Bros.